Matarboð í Hvannalundi með Gunna S og Röggu Grétars og mökum

Fengum Röggu og Guðbrand, Gunna Sig og Hörpu í mat til okkar föstudaginn 10. april. Alltaf gaman að hittast.

Maggi, Harpa, Guðbrandur, Ragga og Gunnar Sig.

Við vorum með andarsallat í forrrétt og svo Cesarsallat í aðalrétt og svo  hvíta súkkulaði mús í eftirrétt.

Hvít súkkulaðimús með jarðaberjum og lime

Súkkulaðimús úr hvítu súkkúlaði með lime-marineruðum jarðarberjum er ágætis endir á góðri máltíð. Þessi uppskrif er fyrir fjóra.

Fyrsta skrefið er að búa til súkkulaðimúsina:

• 100 gr. hvítt súkkulaði
• 2 dl rjómi
• 1 egg

Aðferð:

1. Þeytið rjómann.
2. Bræðið súkkulaðið yfir vatnsbaði.
3. Þeytið eggið
4. Hrærið egginu og bráðnu súkkulaðinu saman
5. Blandið rjómanum saman við

Setjið músina í fjórar skálar og geymið í ísskáp í að minnsta kosti fjórar stundir. Hægt er að gera músina daginn áður og geyma í ísskáp yfir nótt.

Næsta skref er að marinera jarðarberin:

• 1 box jarðaber
• 2 msk. Akasíuhunang
• 1 lime

Rífið börkin af lime-ávextinum. Pressið safann. Blandið saman hunangi, lime-safa og lime-berki.

Skerið jarðarberin í bita og marinerið í 4 klukkustundir.

Til að klára réttinn eru skálarnar teknar úr ísskápnum. Jarðarberjabitunum er dreift á skálarnar og um matskeið af safanum sett í hverja skál.