Sumarsólstöður- jónsmessa

Frábært veður þessa helgi.

Fullt tungl tekið kl 2.00 í nótt.

Fullt tungl tekið kl 2.00 í nótt.

Geggjaður dagur í sveitinni.

:-)

"Það má þekkja mann betur á því sem hann segir um aðra, en því sem aðrir segja um hann". Að tala illa um aðra er rembingur við að hrósa sjálfum sér.
Einblínum frekar á okkar eigin hegðun frekar en að vera alltaf að einblína á aðra, það er allt of algengt að fólk sé að finna að hinum og þessum en horfir ekki á sjálft sig og er jafnvel verra en þeir sem viðkomandi er að finna að...:o)

"Í öllum athöfnum er hollt að festa öðru hverju spurningamerki
við þá hluti sem þú hefur lengi litið á sem sjálfsagða".
Annars bara nokkuð góður..:o)

Flott (fengið að láni á netinu)

"Um leið og þú sættir þig við að lífið er ekki alltaf sanngjarnt eykur þú á hamingju þína. Það er tilgangslaust að ergja sig á hlutum sem þú getur engan veginn breytt. Einbeittu þér að því að hafa áhrif á það sem þú getur breytt."

Ótruglega flott, fann þetta á netinu.

"Ekki drekkja þér í pirringi því 90% hans eiga rætur að rekja til sjálfsvorkunnar sem mun aðeins standa í vegi fyrir jákvæðum úrlausnum"..

Fékk þetta á netinu, gott að hafa í huga.

"Hugsaðu um þig og fjölskylduna. Finndu frið í þínu lífi, veldu þér fólk sem er ekki fullt neikvæðni og gremju. Hlustaðu á börnin þín, þau hafa margt til málanna að leggja.Láttu sem minnst reita þig til reiði. Haltu þig við gott fólk. Slökktu á sjónvarpi, síma, fjölmiðlum og farðu í 30 mínútna göngutúr á hverjum degi. Gefðu þér þinn tíma á þínum forsendum. Borðaðu ávexti og grænmeti. Forðastu ruslfæðið sem er fullt af sykri og salti. Hvítt hveiti og hvít hrísgrjón eru óholl. Borðaðu bara “alvöru mat”. Knúsaðu foreldra þína. Fáðu góðan nætursvefn.Ekki láta sjónvarpið stjórna því hvenær þú ferða að sofa.Veldu að lesa eina bók á mánuði. Komdu reglu á daglegt líf. Farðu að heimsækja ömmu um helgar þegar þér dettur ekkert í hug að gera.Og að er ódýrara að fara í sund en í bíó."
Veldu frjóa hugsun. Nýttu ímyndunaraflið þitt til góðra hluta. Þessi listi er bara hugmynd frá mér til mín og ykkar til að koma okkur af stað...

17. júni 2013

Ég setti niður hekk í garðinum og Máni fylgdist vel með.

Máni og Móna út á túni...

17. júni í sveitinni

Gaman að það sé sumar og geta verið í garðinum.

Máni og Móna gera yoga með mér á morgnana  og eru mjög liðtæk í slökuninni.

Gerði frábæra pizzu, þar sem botninn er tortilla kaka.

Mér finnst alltaf ótrúlega mikil stemmning í tortillum.

Þær kæta alla og hver og einn getur ráðið því hvað fer á sína gleði-bombu. Þessi uppskrift er guðdómleg. Dásamlegt bragðið dansar út í eitt við bragðlaukana.

HRÁEFNI

• 1 Tortilla-spelt
• ⅓ bolli parmesan ostur
• 1 msk. tómatsósa (Mér finnst sósan frá Rapzunel æði)
• ½ msk. ólífuolía
• 1 msk. sól-þurrkaðir tómatar
• 1-2  hvítlauksrif, skorinn smátt
• ½ rauðlaukur,  skorinn í þunnar sneiðar
• jalapeno (má sleppa)
• salt og pipar

AÐFERР

1. Hitið ofninn í 180°c
2. Olían smurð á tortilluna
3. Smyrjið tómatsósu ofan á
4. Kryddið með salti og pipar
5. Parmesan ostur settur yfir
6. Sól-þurrkaðir tómatar, hvítlaukur og rauðlaukur sett yfir ostinn
7. Setjið bökuna á grind  og bakið í 6-8 mínútur, þar til brúnirnar eru fallega brúnar.

Berið gleðina fram með fersku salati. Þessi elska er tilbúin í alla gleði. Fullkomið að hella hvítu eða rauðu í glas og hafa með.

Gerði líka guðdómleg grænmetis lasagna.

Sumardagurinn fyrsti 14. júni :-)

Sumarið kom loks, sól og hiti, 16 gráður.

Gróðurinn orðinn fallegur og grænn.

Maggi á göngu á Skúlagötu.

Add caption

Máni og Móna glöð í göngutúr í sveitinni.

Móna hélt að við föttuðum ekki hver tæki hvítu stjúpurnar þegar hún kom með eitt blað í munnvikinu eftir að hafa verið úti ;-)

Hlýðninámskeið

Erum búnir að vera með Mána og Mónu á hlýðninámskeiði  í Gallery Voff  hjá  Ástu Dóru, búnir með fimm skipti af tíu.

Matarklúbbur 8. júní á Grettó

Vorum með matarklúbb hjá okkur á Grettó. Þemað var frá Miðausturlöndum nær  og upp skriftir úr bókinni Jerusalem, eftir Yotam Ottolenghi og Sami Tamimi. Þetta er mynd af forréttinum sem var Saffran kjúklingur með grænmeti.

 

Kristján, Þorri, Snorri og Kata.

Halldór, Kristín, Guðný og Gilla.

~Thich Nhat Hanh from The Heart of the Buddhas Teaching

Stundum tölum við klaufalega og það getur skapað innri hnúta hjá öðrum. Þá segjum við " ég var bara að segja sannleikann." Það kann að vera satt, en ef tal okkar veldur óþarfa þjáningu, þá er það ekki rétt tal. Við verðum að segja sannleikan á þann hátt sem aðrir geta sætt sig við. Orð sem valda tjóni og eyðileggja eru ekki sögð á réttan hátt. Áður en þú talar þarft þú að skilja þann sem þú ert að tala við. Íhuga hvert orð vandlega áður en þú segir eitthvað, þannig að mál þitt sé "Rétt", bæði í formi og efni.

~Thich Nhat Hanh from The Heart of the Buddhas Teaching

Betri svefn

Hreyfing og heilbrigði = betri svefn

Heilbrigður lífsstíll stuðlar iðulega að betri svefni. Eins getur smá hreyfing daglega hjálpað fólki að sofna og sofa betur.

• Besta ráðið er að stunda reglulega hreyfingu. Hreyfingin þarf ekki að vera mikil til að bæta svefninn.
• Finna skal leiðir til að draga úr streitu og áhyggjum. Leggja  skal stund á jóga, hugleiðslu, íhugun, öndunaræfingar og annað sem kemur kyrrð á hugann. 
• Gæta skal þess að eyða meiri tíma utandyra yfir daginn. Fá smá sól í andlitið og anda að sér fersku lofti.

Sumarið kom í dag.

Við keyptum sumarblóm á Flúðum í sjálfsöluhúsi þar. Settum niður morgunfrú, stjúpur  og dalíu.

Fórum í göngu meðfram Hvítá og upp að affallinu að skoða fuglalífið og sjá að sumarið sé komið 

Auðsholt

Keyrðum yfir í Auðsholt og fórum í göngu á bökkum Hvítár  hinu megin við ánna frá okkur . Hér er ég, Máni og Móna.

Húsið okkar lengst til vinstri.

Maggi, Móna og Máni.

Máni og Móna voru glöð og kát.