Sveitasæla: Hornstandir 17.-21. ágúst 2015 / Hesteyri-Hlöðuvík .

Keyrðum vestur á föstudegi og stoppuðum á nokkrum stöðum á leiðinni, meðal annar í Borarfirði og svo í Heydölum. Fórum það í þessa flottu laug sem er rétt við flæðamálið.

Fengum okkur Kaffi og köku og var það þynnsta kaffi sem ég hef smakkað ef það var nokkuð kaffi í því og vorum við að grínast með það að Stella hafi haldið að við vildum KAFFI LA TE :-) En gaman að koma og sjá flotta aðstöðu og umhverfi þarna í Heydölum.

Inni sundlauginni í Heydölum.

Tók eina selfie því ég er svo hár og myndarlegur :-)

Gistum fyrstu nóttina í þessari verbúð á Flateyri hjá Sigga og Ingibjörgu. Fórum svo um kvöldið á Vagninn og fengum okkur að borða. Frábær matur þar.

Fórum svo daginn eftir á Bolungarvík þar sem hluti af hópnum gisti og fengum morgunmat sem þau voru búin að útbúa. Fórum svo niður á höfn þar sem við fórum í bát sem silgdi með okkur á Hesteyri en báturinn hélt áfram í Hlöðuvík með farangurinn okkar. Þarna eru Áslaug og Sigrún Thorlacius systur.

Jói, Lilja, Eydís, Anna, Rut, Íris og Siggi.

Læknishúsið á Hesteyri þar sem við fengum okkur pönnsur og kaffi sem var alveg guðdómlegt.

Anna Rut, Eydís og ég.

ummm girnilegt :-)

Rebbi fann pönnukökulyktina og kikti á okkur.

Lögð af stað, Hesteyri í baksýn.

Fengum frábært veður og stoppuðum öðruhvoru til að njóta og slaka á.

Komum niður í Kjaranasvík og gengum fyrir Álfsfellið og inn í Hlöðuvík. Frábær ganga og náttúrulega geggjað veður.

Vorum svo heppin að fá báða skálana í Hlöðuvík, Búðasel og Búðabæ. Hér eru Kristín , Rannveig , ég og Valur.

Fórum í göngu upp Skálakambinn og gengið var í Atlaskarð og svo seinni daginn var gengið um Hlöðuvíkina og komum heim með rekavið til að setja í kamínuna. Þarna er Jói að grilla síðasta kvöldið.

Veisla var öll kvöld, kjúklingasúpa fyrsta kvöldið, pasta-pulsu réttur annað kvöldið og svo lambafillet síðastakvöldið auk frábærra forrétta og eftirrétta.