Það er erfitt að koma sér aftur af stað í líkamsrækt svona fyrst eftir súkkulaðihátíðina miklu. Þá ríður mikið á að hugsa til ávinningsins af spriklinu, ekki síður á hugann en bara holdarfarið.
Á vef Huffington Post er bent á eftirfarandi góð ráð um áhrifin sem líkamsræktin hefur hefur á geðheilsuna:
1. Dregur úr stressi
Það er fyrir löngu viðurkennt að einn af ávinningum líkamsræktar felst í streitulosun. Ekki einungis losum við um streitu með því að reyna á kroppinn og hugsa um eitthvað annað en það sem liggur þungt á okkur. Með því að svitna og púla stuðlum við einnig að styrkingu taugaboðefnisins noradronins í heilanum sem gerir okkur betur í stakk búin til að draga úr áhrifum álags á okkur.
2. Gefur okkur hamingjuskot
Við áreynslu losnar um „hamingjuefnið“ endorfín í líkamanum sem lætur okkur líða vel. Fólki sem þjáist af þunglyndi eða slæmum kvíða er m.a. bent á að stunda reglubundna hreyfingu vegna þessa. Íþróttatýpa eður ei - 30 mínútur nokkrum sinnum í viku duga til þessa.
3. Bætir sjálfstraust
Það kannast eflaust ófáir við að vera með stöðugan móral yfir því að nenna ekki að hreyfa sig og rífa sig enn frekar niður fyrir vikið! Því er þetta fljótt að breytast komi maður sér á hlaupabretti, út að ganga eða annað af og til. Bæði slær þetta á samviskubitið auk þess sem maður verður auðvitað ánægðari með sig þegar fer að bera á árangri puðsins.
4. Stuðlar að útiveru
Meirihluti fólks vinnur innivinnu nú á dögum og heyrir nánast til tíðinda að það eyði miklum tíma daglega úti undir beru lofti. Því er tilvalið að stunda einhverja hreyfingu úti við en bæði gerir súrefnið manni gott - og sólin (vegna D-vítamínsins) þegar hennar nýtur við. (N.b. Munið bara eftir sólarvörninni - líka þótt við svona norðarlega).
5. Styrkir minnis-stöðvar heilans
Hreyfing getur kannski ekki komið í veg fyrir að minni mannsins fari hnignandi með aldrinum, ekki frekar en hollt mataræði. Með því að hreyfa okkur vinnum við engu að síður að því að styrkja vissa hluta heilans sem hafa með minnið að gera (t.d. hinn svokallaða hippocampus) sem getur ekki verið annað en jákvætt.
6. Slær á kvíða
Líkt og með stressið, getur hreyfing slegið á kvíða, hrjái hann manninn. Efnaskiptin sem verða á meðan á æfingu stendur og eftir hana, geta slegið á hvers kyns kvíða og óróa og hjálpað okkur að anda aðeins léttar um stund.
7. Styrkir heilastarfsemina
Rannsóknir hafa sýnt fram á að við þolæfingar framleiðir líkaminn viðbótar heilafrumur auk þess sem prótein losna úr læðingi sem sögð eru styrkja starfsemi heilans enn frekar.
8. Hjálpar við að takast á við fíknir
Líkamsrækt getur hjálpað ýmiskonar „fíklum“ í bata - hvort sem hér er átt við þá sem átt hafa í baráttu við mat, áfengi, kynlíf, eiturlyf eða annað. „Hamingjuhormónið“ dópamín losnar úr læðingi í líkamanum þegar hann upplifir „ánægju“ af neyslu fyrrnefndra hluta svo að sumir verða háðir þeim. Líkamsrækt í stuttum törnum hjálpar til við að dreifa huganum auk þess sem maður einbeitir sér að því að styrkja líkama og sál með henni.
9. Eykur slökun
Þetta hljómar eins og hálfgerð andstæða en hver kannast ekki við að sofa vel eftir að hafa reynt á sig í ræktinni? Við hreyfingu hækkar líkamshiti manns og þegar hann er aftur kominn í eðlilegt horft nokkrum stundum síðar, lítur kroppurinn svo á að kominn sé tími á hvíld.
10. Eykur framleiðni
Það kemur fyrir okkur öll að verða andlaus og eirðarlaus, t.d. í vinnunni. Þá getur jafnast á við gott orkuskot að fá sér smá göngutúr eða stunda aðra hreyfingu í smá stund. Hafir þú færi á að skjótast í ræktina í hádeginu er það flott - aðrir geta t.d. gengið stuttan hring í nágrenni við vinnustaðinn í hádeginu.
11. Fær sköpunargáfuna til að blómstra
Þrátt fyrir að gott sé að tæma hugann á hlaupabrettinu sem dæmi, er ekki þar með sagt að góðar hugmyndir geti ekki líka fæðst þar. Sýnt hefur verið fram á að góð líkamsræktaræfing getur virkjað sköpunargáfuna þannig að hún er á fullu róli í allt að tvo tíma á eftir! Enn betra er ef maður stundaði æfinguna utandyra og fékk ferskt loft í leiðinni
12. Veitir öðrum innblástur
Margir kjósa að stunda líkamsrækt í félagi við einhverja aðra, hvort sem það felst í að spila fótbolta með liði, keppa við annan einstakling eða skiptast á að lyfta lóðum. Bæði er maður oftar en ekki tilbúnari til að leggja meira á sig ef maður æfir í félagi við annan/aðra auk þess sem margir hafa hreinlega meiri ánægju af félagsskapnum.
1. Dregur úr stressi
Það er fyrir löngu viðurkennt að einn af ávinningum líkamsræktar felst í streitulosun. Ekki einungis losum við um streitu með því að reyna á kroppinn og hugsa um eitthvað annað en það sem liggur þungt á okkur. Með því að svitna og púla stuðlum við einnig að styrkingu taugaboðefnisins noradronins í heilanum sem gerir okkur betur í stakk búin til að draga úr áhrifum álags á okkur.
2. Gefur okkur hamingjuskot
Við áreynslu losnar um „hamingjuefnið“ endorfín í líkamanum sem lætur okkur líða vel. Fólki sem þjáist af þunglyndi eða slæmum kvíða er m.a. bent á að stunda reglubundna hreyfingu vegna þessa. Íþróttatýpa eður ei - 30 mínútur nokkrum sinnum í viku duga til þessa.
3. Bætir sjálfstraust
Það kannast eflaust ófáir við að vera með stöðugan móral yfir því að nenna ekki að hreyfa sig og rífa sig enn frekar niður fyrir vikið! Því er þetta fljótt að breytast komi maður sér á hlaupabretti, út að ganga eða annað af og til. Bæði slær þetta á samviskubitið auk þess sem maður verður auðvitað ánægðari með sig þegar fer að bera á árangri puðsins.
4. Stuðlar að útiveru
Meirihluti fólks vinnur innivinnu nú á dögum og heyrir nánast til tíðinda að það eyði miklum tíma daglega úti undir beru lofti. Því er tilvalið að stunda einhverja hreyfingu úti við en bæði gerir súrefnið manni gott - og sólin (vegna D-vítamínsins) þegar hennar nýtur við. (N.b. Munið bara eftir sólarvörninni - líka þótt við svona norðarlega).
5. Styrkir minnis-stöðvar heilans
Hreyfing getur kannski ekki komið í veg fyrir að minni mannsins fari hnignandi með aldrinum, ekki frekar en hollt mataræði. Með því að hreyfa okkur vinnum við engu að síður að því að styrkja vissa hluta heilans sem hafa með minnið að gera (t.d. hinn svokallaða hippocampus) sem getur ekki verið annað en jákvætt.
6. Slær á kvíða
Líkt og með stressið, getur hreyfing slegið á kvíða, hrjái hann manninn. Efnaskiptin sem verða á meðan á æfingu stendur og eftir hana, geta slegið á hvers kyns kvíða og óróa og hjálpað okkur að anda aðeins léttar um stund.
7. Styrkir heilastarfsemina
Rannsóknir hafa sýnt fram á að við þolæfingar framleiðir líkaminn viðbótar heilafrumur auk þess sem prótein losna úr læðingi sem sögð eru styrkja starfsemi heilans enn frekar.
8. Hjálpar við að takast á við fíknir
Líkamsrækt getur hjálpað ýmiskonar „fíklum“ í bata - hvort sem hér er átt við þá sem átt hafa í baráttu við mat, áfengi, kynlíf, eiturlyf eða annað. „Hamingjuhormónið“ dópamín losnar úr læðingi í líkamanum þegar hann upplifir „ánægju“ af neyslu fyrrnefndra hluta svo að sumir verða háðir þeim. Líkamsrækt í stuttum törnum hjálpar til við að dreifa huganum auk þess sem maður einbeitir sér að því að styrkja líkama og sál með henni.
9. Eykur slökun
Þetta hljómar eins og hálfgerð andstæða en hver kannast ekki við að sofa vel eftir að hafa reynt á sig í ræktinni? Við hreyfingu hækkar líkamshiti manns og þegar hann er aftur kominn í eðlilegt horft nokkrum stundum síðar, lítur kroppurinn svo á að kominn sé tími á hvíld.
10. Eykur framleiðni
Það kemur fyrir okkur öll að verða andlaus og eirðarlaus, t.d. í vinnunni. Þá getur jafnast á við gott orkuskot að fá sér smá göngutúr eða stunda aðra hreyfingu í smá stund. Hafir þú færi á að skjótast í ræktina í hádeginu er það flott - aðrir geta t.d. gengið stuttan hring í nágrenni við vinnustaðinn í hádeginu.
11. Fær sköpunargáfuna til að blómstra
Þrátt fyrir að gott sé að tæma hugann á hlaupabrettinu sem dæmi, er ekki þar með sagt að góðar hugmyndir geti ekki líka fæðst þar. Sýnt hefur verið fram á að góð líkamsræktaræfing getur virkjað sköpunargáfuna þannig að hún er á fullu róli í allt að tvo tíma á eftir! Enn betra er ef maður stundaði æfinguna utandyra og fékk ferskt loft í leiðinni
12. Veitir öðrum innblástur
Margir kjósa að stunda líkamsrækt í félagi við einhverja aðra, hvort sem það felst í að spila fótbolta með liði, keppa við annan einstakling eða skiptast á að lyfta lóðum. Bæði er maður oftar en ekki tilbúnari til að leggja meira á sig ef maður æfir í félagi við annan/aðra auk þess sem margir hafa hreinlega meiri ánægju af félagsskapnum.
No comments:
Post a Comment